මහගම සේකර නම් වූ 'මහා දාර්ශනිකයා'
'මහා දාර්ශනික' මහගම සේකරයන් මෙලොවින් සමුගෙන අදට 45 වසරකි . මෙම ලිපිය ඒ නිමිත්තෙනි
Posts
සුමනෝ (ගීතයක් හා බැඳුණු කතාවක්)
මේ කියන්න යන කතාව මීට දශක කිහිපයකට පෙර සිදු වුණු එකක්.. අනුරාධපුර දිස්ත්‍රික්කයේ මිහින්තලේ ට ආසන්න කොහේ හෝ ගමක. හරියට ම ඒ ගමේ නම කියන්න නම් මා දන්නේ නැහැ. මේ ගමේ වන්නිහාමි කියලා එක්තරා ගුරුවරයෙක් ජීවත් වෙනවා. වෘත්තියෙන් ගුරුවරයෙක් කියලා කිව්වට ඔහු ගමේ අය අතරේ වඩාත් ජනප්‍රිය වෙන්නේ ගමේ වෙදරාල, එහෙමත් නැතිනම් ගමේ ආයුර්වේද වෛද්‍යවරයා විදියට. මේ වෙදරාලට. බොහොම ලස්සනට කවි, ගීත ලියන්න සමත් පුතෙක් ඉන්නවා. ඔහුව අපි රං බණ්ඩා කියලා හඳුන්වමු. වියළි කලාපයේ දුෂ්කර ගමක ජීවත් වුණත් මේ තරුණයා, ඉගෙන ගන්න බොහොම දක්ෂයි. ඒ හින්දා ම, උසස් පෙළ විභාගය ඉතා හොඳින්සමත් වෙලා, නීති පීඨයට ඇතුළත් වීමට ඔහු සුදුසුකම් ලබනවා. තමන්ගේ ඉදිරි ජීවිතයේ සාර්ථකත්වය සාක්ෂාත් කර ගන්න, රන් බණ්ඩා තරුණයා ගමෙන් නික්මිලා කොළඹ එනවා.. තාරුණ්‍යය කියන්නේ, ජීවිතයේ සුන්දර ම අවධිය. තාරුණ්‍යයේ දොරකඩ හිටි රන් බණ්ඩා නම් කෙළිලොල් තරුණයාටත් ආදරයේ මිහිර දැනෙන්න පටන් අරගෙනයි තිබුණේ. ඒ පිට කෙනෙක් නෙවෙයි. ඔහුගේ ම ඇවැස්ස නෑනා. පුංචි කාලයේ ඉඳන් ම එකට හැදුණු වැදුණු සුමනා ගැන ආදරයක් රන් බණ්ඩාගේ හිතේ මෝදු වුණේ ඔහුටත් නොදැනීම. ඇවැස්ස නෑනා මස්සි...
ශ්‍රි ලංකාවේ දේව සංකල්පයේ ආරම්භය හා විකාශනය
අන් කවරදාකටත් වඩා දේව විශ්වාස පිළිබඳව සමාජය තුළ විවිධ කථිකාවන් ඇතිව තිබේ. එක් කොටසක් දේව විශ්වාස පිටුපස අන්ධානුකරණයෙන් යුතුව ගමන් කරන අතර තවත් පිරිසක් දේව වන්දනය පිළිබඳව දැඩි ප්‍රශ්න කිරීමක් අරඹා ඇත. මේ අතර බුදු දහමේ මූලික ඉගැන්වීම් පවා අභියෝගයට ලක් කරමින් විවිධ මිථ්‍යාවන් බහුල ලෙස සමාජ ගත වීමද වත්මනේ දී දැකිය හැකිය. ප්‍රාථමික මනුෂ්‍යයන් වශයෙන් ස්වාභාවදහම කෙරෙහි තිබූ කුතුහලය මෙන්ම බියද මූලික වශයෙන්ම දේව විශ්වාස හා ඇදහිලි කෙරෙහි මිනිසා යොමු වීමට මූලිකවම බලපා තිබේ. මෙය ලාංකිකයින් කෙරෙහිද පොදු ලක්ෂණයකි. ප්‍රාග් බෞද්ධ යුගයේ දී මෙරට විසූ ජනයා සතුවද එවැනි ඇදහීම් තිබූ බව ඉතිහාසය සාක්ෂි සපයයි. පණ්ඩුකාභය රජු විසින් ව්‍යාධ දෙවියන්ට බටහිර දොරටුව අසල තල්ගසක වෙසෙන්නට ඉඩදුන් බව හා පච්හමරාජිනී නම් දෙවඟන උදෙසා බටහිර දොරටුව අසල දේවාලයක් ඉදිකර දුන් බව මහා වංශයේ සඳහන්ව ඇත. බුදු දහම මෙරට තුළ ස්ථාපිත වීමත් සමඟ එතෙක් පැවති දේව ඇදහිල්ලද වෙනස්කම් වලට ලක්වී තිබේ. බුදු දහමේ මූලික ඉගැන්වීම් තුළදී දේව වන්දනයට ඉඩක් නොවුන ද මෙරට තුළදී බුදු දහමේ ආගමනය ...
සුද්දොත් මට්ටු කළ මඩුවන්වෙල කළු කුමාරයා
වීර සිංහලයෙකුගේ අභිමානවත් නවාතැන්පල වූ මඩුවන්වෙල වලව්ව රත්නපුර දිස්ත්‍රික්කයේ කොලොන්න කෝරලයේ මඩුවන්වෙල ග්‍රාමයේ පිහිටා තිබේ. මේ අභිමානවත් ස්මාරකය කොලොන්න පුරවරයට පමණක් නොව මුළු මහත් ජාතියටම අභිමානයකි. අතීත අභීත ගාම්භීර බව කියාපාන ලක්ෂණ මහා පුරුෂයෙකුගේ පහස ලැබූ එබිමෙහි අද ද දක්නට ලැබේ. වර්ෂ 1844 සැප්තැම්බර් මස 11 වන දින ජන්මලාභය ලැබූ ''මඩුවන්වෙල විජයසුන්දර රාළහාමිගේ ශ්‍රිමත් ජේමිස් විලියම් මඩුවන්වෙල'' කුඩා කළ සිටම දඩබ්බර සෘජු ගතිගුණ වලින් යුතු එහෙත් මිනිසුන්ට බෙහෙවින් ආදරය කළ අයෙකු විය. එවකට මෙරට පාලනය කළ ඉංග්‍රිසින් අතර මෙන්ම ජනතාව අතර ද මෙතුමා ලංකාවේ කළු කුමාරයා ලෙස ප්‍රචලිත වීමට ද එම ගතිගුණ බලපා ඇත. උපතින් උත්තුංග දේහධාරියෙකු නොවුව ද උපතින්ම හිමි වූ තේජස් පෙනුමක් එතුමන් සතු විය. ඒ සියල්ලටම වඩා වීර ගති ඇති සිතක් සතුවූ මෙතුමා කොළොන්න කෝරලයේ මිනිසුන්ගේ ගැලවුම්කරුවා විය. ඒ වන විට මෙරට පාලනය කළ ඉංග්‍රිසීන්ගේ විවිධ පීඩාවන්ට ලක්වෙමන් මෙරට ජනයාට දිවි ගෙවන්නට සිදුව තිබිණි. නමුත් තම පාලන ප්‍රදේශය වූ කොලොන්න කෝරලයේ දී සුද්දන්ගේ අණසක ක්‍...
මුල් ගුරුතුමා වෙතටයි
මුල් ගුරුතුමනි, මගේ පුතාට කියා දෙන්න හැම මනුෂ්‍යකුම සත්‍යවාදී සහ සර්ව සාධාරණ නොවන බව. මේක මගේ පුතාට කරුණාකර උගන්වන්න. නමුත් කියාදෙන්න මගේ පුතාට හැම තක්කඩියකු දුර්ජනයකු පාසාම ගුණ යහපත් විරවරයෙකුත් මේ ලෝකයේ සිටින බව. ඒ කියන්නේ හැම දෙනාම තක්කඩියන් නොවේ. තක්කඩියන් වගේම යහපත් උදවියත් සිටින බව මගේ පුතාට උගන්වන්න. සෑම ආත්මාර්ථකාමී දේශපාලනඥයකු වෙනුවටම රටේ සුබසිද්ධියට කැපවුණු යහපත් දේශපාලනඥයකුත් ඉන්නා බව මගේ පුතාට ඒත්තු ගන්වන්න. සෑම සතුරෙකු පාසාම මිතුරකුත් සිටිනා බව මගේ පුතාට කියාදෙන්න. ඒ වාගේම කියාදෙන්න නොමිලයේ කාගෙන් හරි කොහෙන් හරි ලැබෙන ඩොලර් පහට වැඩිය තමාගේ දහඩියය මහන්සියෙන් උපයන ඩොලරය වටිනාකමින් වැඩි බව. ඒ බව ඔහුට ඒත්තු ගැන්වීමට කලක් ගතවන්න පුලුවන් බව මා දන්නවා. නමුත් එම සත්‍යය ඔහුට උගන්වන්න. පරාජය විද දරා ගැනීමටත් ජයග්‍රහණය නිහතමානීව සතුටින් බුක්ති විදීමටත් මගේ පුතාට උගන්වන්න. ඇතැම් උදවිය ඊර්ෂ්‍යාකාරීව ඔහු යටපත් කරන්නට ඈත් කරන්නට ක්‍රියා කරන විට ඒවා ගැන කලකිරෙන්නේ නැතිව සන්සුන්ව සිටිමින් සිත යටින් සිනාසෙන්නට හැකි...
2021 නව වසරට ලෝ වැසි සියල්ලෝම පා තබන්නේ අභියෝග රැසක් මැදය. covid 19 සමස්ථ මානව වර්ගයාම අභියෝගයට ලක් කරමින් සිටින මොහොතකය. එහෙත් අප කිසිවිටෙක අධෛරමත් විය යුතු නැත. අප සිටින මේ මොහොත තෙක් මානවයා ගමන් කලේ අභියෝග රැසක් මැදය. 2020 වසර අප පසු කලේ අසීරුවෙනි. අප සියල්ලන්ම එක් තැනක නතරවී ඇතැයි විටෙක සිතෙන තරමටම සෙමින් අසීරුවෙන් අප 2020 පසු කල බව සැබෑය. ඒ සියලු අසීරුතා අනාගත ජයග්රහණයට ශක්තිමත් අඩිතාලමක් කර ගැනීමට අපට නිතැතින්ම හැකිවනු ඇත. 2021 නව වසරේ අප සියල්ලන්ගේම පැතුම විය යුත්තේ ''ලොවම සුවපත් වන නව වසරක් වේවා '' යනුවෙනි. මන්ද සියලු සැපයන්ට වඩා නිරෝගිකම උතුම්ම සැපය වන බැවිනි. ඉතින් ඔබ සැමට නිරෝගිමත්, සුවපත් නව වසරක්